Christa le Roux - 'n Lewe

“Om ons leerders te kan voorberei vir die lewe het ons bekwame en toegewyde leerkragte nodig. Mag daar altyd onderwyseresse wees wat aangevuur word deur hoë ideale, mense vir wie die onderwys nie net ’n werk is nie, maar ’n roeping in die ware sin van die woord, mense wie se ideale, entoesiasme en doelgerigtheid, sowel as bereidwilligheid om te dien, hulle sal aanspoor om saam met die leerders La Rochelle se leuse, En Avant, uit te lewe. “Mag daar altyd skoolhoofde wees wat bereid is om hulle hele lewe in diens van die skool te stel, want van hulle algehele oorgawe aan hulle taak, hang die sukses en vooruitgang van die skool in ’n hoë mate af. “Mag die voorbeeld van toegewyde hoofde soos mejj. M.H. Cillié en J.J. Meyer vir hulle as inspirasie dien. “Mag almal verbonde aan La Rochelle die woorde van ons skoolpsalm (Psalm 116) onthou: Nie aan ons nie, Here, nie aan ons nie, maar aan u Naam kom die eer toe, want dit is U wat trou bewys. “In the words of miss Grundlingh: ‘May we go forward ever ready to uphold the honour and ideals so loyally guarded by our predecessors; and may we, in an uncertain and rapidly changing world, hold fast to our heritage of so much that is noble and good and thus achieve our highest destiny.’”

57 Christa le Roux – ’n Lewe