Christa le Roux - 'n Lewe
Amanda Lochner, skoolhoof, 2002-2021 “My herinneringe is eintlik meer persoonlik omdat ons na haar formele jare by La Rochelle vriendinne geword het ... haar aanvaarding van my en die wyse waarop sy my aan haar destydse matriekmaats voorgestel het, bly my kosbaarste herinnering! “Ons het gereeld kontak gehad met onder andere die jaarlikse matriek-uitslae; koerantberigte; verjaarsdae; jaarblaaie; die prysuitdeling se Dux-beurs; oudleerder-geleenthede en die skool se 150 jaar-vieringe. “Ek het Christa die laaste klompie jare gereeld besoek omdat sy nie meer Paarl toe gery het nie. Ons het wonderlike stories gedeel ... al die vreugdes, maar ook die uitdagings! Sy het altyd intens belang gestel. Met my aftrede het ek haar persoonlik geskakel en sy het my laat belowe dat ek haar nie sal vergeet nie. Ek het haar verseker sy sal altyd relevant in my lewe en La Rochelle wees.” Elsabé Conradie, skoolhoof, 2022 - Tydens ’n saalbyeenkoms huldig Elsabé Conradie mej. Le Roux deur te verwys na haar boodskap aan La Rochelle in die 150 Jaar La Rochelle-gedenkboek . Die boodskap is tegelyk ’n huldiging van, en getuigskrif vir, mej. D.C. le Roux, ’n uitsonderlike mens en skoolhoof:
“Ons kyk egter nie net na die verlede nie, maar ook na die toekoms en ons koester hoë verwagtings. Mag daar gedurende die volgende vyftig jaar, en nog langer, steeds talle dogters wees wat na die ‘klein rots’ sal kom om kennis op te doen, maar ook om
Ons kyk egter nie net na die verlede nie, maar ook na die toekoms en ons koester hoë verwagtings.
geestelik gevorm te word. Mag daar gebeitel word aan hulle karakters, sodat hulle die skool kan verlaat as dames wat hulle plek sal kan volstaan en ware sierade sal wees vir hulle onmiddellike omgewing, sowel as vir die land in
geheel. Mag hulle steeds met oortuiging kan sing: Ons strewe is voorwaarts, ons doel hoog gestel, Soet klink ons die naam La Rochelle, La Rochelle.
Christa le Roux – ’n Lewe 56
Made with FlippingBook Digital Publishing Software