Christa le Roux - 'n Lewe

nie gesit nie, elke minuut van die periode is gebruik, en ’n dame dra sykouse. Laasgenoemde was baie erg vir ons, want die Paarl raak warm in die somer en iets soos lugversorgers in skole was ongekend. Teen die einde van haar hoofskap het sy ons toegelaat om in die somer sonder sykouse skool toe te kom. Nodeloos om te sê dat langbroeke totaal verbode was. “Sy was streng, maar sy was vir ons almal ’n voorbeeld van hardwerkendheid, toewyding, nie net in skoolwerk nie, maar ook in sport en kultuur. Sy was vir ons ’n inspirasie en het ons aangevuur om harder te werk. Sy was op die hoogte van elke dogter se prestasie en dames wat nie na vermoë presteer het nie, is na die kantoor ontbied. Met haar aansporing en hulp het hul punte gou verbeter. Menige oud-leerling sal hiervan kan getuig. “By die jaarlikse prysuitdeling het sy altyd ’n lang aandrok gedra en ons het ons verkyk aan die pragtige statige dame. Sy het die hele aand met grasie, en byna alleen, foutloos hanteer. “Mej. Le Roux was ’n Christen en sy het dit nie net bely nie, maar ook geleef. Haar boodskappe op ’n Maandag was ’n geestelike inspuiting wat ons deur die week en nog lank daarna gedra het. Die Here was haar Herder en sy het Hom haar lewe lank gevolg. “Die skool was, naas haar Skepper en haar ouers, die spil waarom haar hele lewe gedraai het. Mev. Conradie en mej. Bothma se besoek op haar negentigste verjaarsdag op 9 Februarie vanjaar was die hoogtepunt van haar dag. Toe ek en mej. Lochner haar die volgende dag besoek, was dit al waaroor sy gepraat het. “Die skool het my nie vergeet nie.” Die laaste keer wat ek met haar gepraat het, het sy na my welstand verneem, maar wou weet hoe dit by die skool gaan. Ek kon haar verseker die skool is in goeie hande. “Dinsdag by die skool het ek my verspreek. Die skool se erekode lui: We strive to become women worthy of serving our country , en ek het ‘saving our country’ gesê – wat nie so ver verkeerd is nie, want om hierdie land van ondergang te red, het ons vroue nodig met integriteit, hoë morele waardes, vroue wat vir ons ’n voorbeeld en inspirasie kan wees, vroue wat respek afdwing, vroue met dryfkrag, vroue soos Christa le Roux. “En Avant!”

55 Christa le Roux – ’n Lewe

Made with FlippingBook Digital Publishing Software