Christa le Roux - 'n Lewe

Sanet Bosman (née Human): “Ons treur saam oor ons geliefde Juffrou Daisy! Ja, ons het ons eie Goue Koningin verloor! Sy was ’n legende en het ons net so sag en stylvol verlaat soos wat sy gelewe het! Juffrou Le Roux was soos ’n ware herder. Sy het ons elkeen by die naam geken en ons was deel van haar kudde. Rus in vrede.” Shirley Saus (née Braude), on behalf of the English-speaking matrics of 1970: “We express our deep gratitude and appreciation for your dedication and commitment shown to us during our school years.”

Huldeblyke Hoofde Johanna Longland (Heydenrych), skoolhoof, 1992-2001 Dankdiens D.C. le Roux, Suider-Strandkerk, 14 Oktober 2022:

“Ek was bevoorreg om Dinsdag by die opening van die skool iets van mej. Le Roux met die dogters en personeel te deel. Toe ek daar op die verhoog sit en kyk na die pragtige jong gesigte, die dissipline, respek vir gesag en die dogters se waardering vir mekaar se prestasies, was ek dankbaar, want in die onderwys en in skole het baie dinge verander, maar by La Rochelle is daar nog tradisies en waardes wat rotsvas bly staan. As mej. Le Roux daar was, sou sy baie trots gewees het. “Op die baie jong ouderdom van 31 word sy skoolhoof van Die Hoër Meisieskool La Rochelle, ’n ongekende prestasie. Die dogters het besluit dat die mooi, jong skoolhoof ’n bynaam moet kry, en met haar voorletters D.C. in gedagte, het hulle haar Daisy genoem, en dis ’n naam wat deur die jare, en ek glo in die toekoms, met baie liefde, deernis en respek gebruik sal word. “Mej. Le Roux was baie streng en oud-leerlinge sal kan vertel van roklengtes, kuiwe wat bokant die wenkbroue moes wees, vulpenne wat gebruik moes word, en vele meer. Daar was twee tuisnaweke vir kosgangers in die kwartaal; Sondae gaan almal kerk toe in wit rokke in die somer en donkerblou rokke in die winter, en vele meer reëls. Ons as personeel is nie gespaar nie. Sy het die voorbeeld gestel en dieselfde van ons verwag. Sy het voor haar klas gestaan,

Christa le Roux – ’n Lewe 54