Christa le Roux - 'n Lewe

Op haar bedkassie – langs haar Bybel en dagboek – het ’n klein Croxley notaboekie met aantekeninge van preke en oordenkings gelê. Onder andere skryf sy kripties oor haar reisplan vir die lewe na analogie van Christus se reis op aarde. Sy skryf: “Christus het enkele kere in sy lewe met ’n skuit uitgevaar, ’n keer of wat op ’n donkie se rug gery. Verder het Hy te voet gereis – teen ongeveer 4 km per uur. Die Here is nie haastig nie.” En dan voeg sy by: “Hy reis nie alleen nie. Hy neem sy dissipels saam. Hy gee hulle indiensopleiding. Ook vir my. Saam met Hom gaan ek treetjie vir treetjie vorentoe.” En Avant – Voorwaarts, La Rochelle se leuse, was ook Christa le Roux se lewensleuse – tot aan die einde!

Christa le Roux – ’n Lewe 44