Christa le Roux - 'n Lewe

Musiek het nog altyd tussen die vier mure van hierdie besondere huis weerklink. Ek en Hannetjie het donkertyd opgestaan om toonlere en eksamenstukke te oefen. Ná ons het ds. Christo Alheit se vrou Adrienne as musiekonderwyseres die musiektradisie hier laat voortleef. En ek glo met die verblyf van ds. Jaco

Thom en sy gesin het musiek in al sy vorme hier weerklink, met Elmien Thom as musiekonderwyseres by die skool, en Mathildie, Maryke en Elmientjie wat musiek in al sy lieflike vorme laat opklink het. Alhoewel Juffrou Le Roux nie na my

Ek onthou dat daar altyd blomme in die skool se voorportaal en kantoor was.

wete enige instrumente beoefen het nie, was sy ’n groot musiekliefhebber. Reeds in haar tyd as skoolhoof het sy baie klem op musiek en koorsang gelê en het tydens saalperiodes gereeld die koor en ander Eisteddfodwenners laat optree. Ons het selfs musiekwaarderingsperiodes gehad waar komponiste en hul werk aan ons bekend gestel is. Daar is ’n ou Nederlandse spreuk: Vrees niet waar weerklinkt het lied, slechte mensen zingen niet. My groot wens is dat musiek sal bly opklink in Huis D.C. le Roux. En dan is daar blomme. Ek onthou ’n huis en tuin vol blomme. Dit het my altyd laat tuis voel wanneer ek ná skool by ons huis instap en daar is blomme in die voorportaal en sitkamer. En natuurlik die geur van pronk-ertjies en magnoliablomme en rose. Die Ierse digter en mistikus John O’Donohue praat van The Landscape of Beauty en hoe nodig dit vir ons is om aan die skoonheid van die wêreld rondom ons blootgestel te word sodat dit ons binnewêreld kan voed. En hoe goed het my hart nie gevoel toe ek nou die oggend by die hekkie instap en verwelkom word deur ’n goedversorgde tuin en ’n tuinman wat werskaf nie. Ek onthou dat daar altyd blomme in die skool se voorportaal en kantoor was. Ek onthou ook Juffrou Daisy se verjaarsdag op 9 Februarie – met groot blomruikers op die verhoog. Ek sal altyd La Rochelle en ons huis met blomme assosieer. Daarom dink ek ook dis gepas dat die naam Daisy op soveel verskillende maniere bly voortleef by La Rochelle.

61 Christa le Roux – ’n Lewe