Christa le Roux - 'n Lewe

met dié formidabele dame te gesels! Ons het begin besef haar kyk en blaf was baie erger as die hart wat daaragter skuil. Maar versigtig en in jou pasoppens het jy tog gebly! “Na my studiejare word daar ’n pos by La Rochelle geadverteer en na vele gebede en baie oorweging besluit ek om tog aansoek te doen: my persepsie steeds dat die kanse om die betrekking te bekom maar uiters skraal sal wees! Maar wonder bo wonder kry ek die pos! “Watter wonderlike jare: Om onder die beste skoolhoof en matriarg ooit, met die dierbaarste lojale skoliere, kinders met die mooiste maniere, waardes en waardering te begin werk, was ’n ongelooflike seën! Aan die stuur: die alombekende Christa le Roux! “Juffrou Le Roux was iemand na wie ons as personeel altyd kon opsien: ten alle tye uiters goed versorg; jy kon haar daagliks deur ’n ring trek; belese met ’n ongelooflike algemene kennis; altyd bereid om te help; propvol deernis vir almal wat swaarkry; maar die sagte hart was altyd daar! “Sy het my nooit laat voel dat sy oor my skouer loer nie, maar ek was deeglik bewus van dit wat van my verwag word! En as jy dit sou waag om effens buite die reëls te beweeg, is jy op ’n sagte manier aangespreek, op ’n wyse wat jou dit nóóit weer sou laat waag nie! “So byvoorbeeld was daar ’n reël dat alle beplanningslêers op ’n Maandag oggend kort na 8-uur op die tafeltjie buite mej. Du Toit se kantoor geplaas moes word. Net één Maandagoggend het die interkom aangegaan: ‛Juffrou Albertyn, jou lêer is nie hier nie; kan jy dit asseblief gou afbring?ʼ Dit sou nooit weer gebeur nie! “En dan die sagte kant: Ek verloor een oggend ’n kontaklens in haar kantoor. Saggies maak sy die deur toe, en gebukkend help sy soek! Ek was so verstom, soveel so dat ek meer na die gebukkende soekende figuur gekyk het as wat ek self gesoek het! Maar die lens het ons gevind! “En dan, met die aankoms van ons eerste baba: Tóé is die kantoordeur, en sy buk in pure verwondering en met koer-geluidjies oor die stootwa, met vreugde, oor die dogtertjie-kind aan ons toevertrou! So opgewonde saam met ons oor die nuwe klein mensie!

Christa le Roux – ’n Lewe 52