Christa le Roux - 'n Lewe

’n Instrument van u vrede Vir die matriekklas van 1970 gee sy elkeen die gebed van Franciscus van Assisi in goue letters op glanspapier, met ʼn kort persoonlike boodskap, met vulpen geskryf, agterop:

Here, maak my ’n instrument van u vrede. Waar daar haat is, laat my liefde bring. Waar daar oortredings is, vergifnis,

waar daar twyfel is, geloof, waar daar wanhoop is, hoop. waar daar duisternis is, lig,

waar daar droefheid is, vreugde. O, Heilige Meester, gee dat ek, in plaas daarvan om vertroosting te soek, ander sal vertroos;

om begrip te soek, andere sal verstaan; om liefde te soek, andere sal bemin. Want dit is deur te gee, dat ek ontvang; deur te vergewe, dat ek vergewe word. En dit is deur te sterwe, dat ek die ewige lewe beërwe. Hierdie gebed verwoord Christa le Roux se eie diepgewortelde kinderlike, gestroopte geloof. Dit vergestalt haar versugting om vrede, vergifnis, lig, hoop, vreugde, vertroosting en liefde uit te leef. Dit word die gebed waarop sy haar eie lewe skoei – en waaruit soveel mense verryk kon word.

Christa le Roux – ’n Lewe 48

Made with FlippingBook Digital Publishing Software