Christa le Roux - 'n Lewe

Die besoek aan die Lake District, waar Jane Austen se bekende Pride and Prejudice afspeel, is vir haar ’n hoogtepunt. Dit is lente. Die golwende groen landskap, die geboortewêreld van die digter Wordsworth en inspirasie vir sy bekende gedig, I wandered lonely as a cloud, ontroer haar diep. Tussen haar toerherinneringe is ’n poskaart met ’n veld vol geel affodille en ’n uittreksel uit die gedig daarop afgedruk: I wandered lonely as a cloud That floats on high o’er vales and hill, When all at once I saw a crowd, A host of golden daffodils;

Beside the lake, beneath the trees, Fluttering and dancing in the breeze. William Wordsworth, 1770-1859

In Julie 2001 onderneem sy ’n toer na die Laelande: Nederlandse toer op die spoor van Afrikaans , met dr. John Kannemeyer, bekende letterkundige en biograaf, en dr. Wium van Zyl, digter en emeritus-professor in Afrikaans en Nederlands, as toerleiers. Hulle besoek onder andere Guido Gezelle se huis en sy standbeeld in Brugge; asook ander Nederlandse digters en skrywers soos P.C. Hooft en Multatuli se geboortehuise. Christa vind veral die referate deur sprekers van die Nederlandsch-Afrikaansche Stichting insiggewend en prikkelend. Dit voed haar dors na kennis en sy kan nie daaroor uitgepraat raak nie.

Van Amsterdam tot Mykonos

41 Christa le Roux – ’n Lewe