SATI Beyond The Bunch 4th Quarter 2024

Ander bestuurspraktyke

Ongeag watter tipe plantegroei in of om die wingerd is, moet dit nie tydens blomtyd versteur word nie want dan sal die blaaspootjies genoodsaak wees om in die wingerdstokke in te beweeg. Pas dekgewas- of on kruidbeheer voor bot of na ertjiekorrelgrootte toe. Produsente moet onthou dat gewasse soos bloubes sies en nie-draende tafeldruifblokke verdere teel aardes vir blaaspootjies kan wees en dit in hulle bestuursplan insluit. Sekere tafeldruifkultivars blyk meer vatbaar as ander te wees. Wit kultivars wys vrugskade duideliker en laat kultivars is meer aan blaarskade blootgestel omdat blaaspootjiegetalle later in die seisoen hoër is. Dit is moontlik dat blaaspootjies sekere kultivars verkies. Produsente wat hoogs vatbare kultivars vestig mag vind dat die blaaspootjiedruk laer is as dié kultivars deur ander tafeldruifblokke omring word eerder as om aan natuurlike veld of goeie alternatiewe gas here soos sitrus te grens.

Blaaspootjiebevolkings bou buite die wingerd op. Die insekte val dikwels die wingerd binne omdat hulle ander gasheerplante nie meer beskikbaar of geskik is nie. Dekgewasse het heelwat voordele maar die inter aksie tussen dekgewasse en blaaspootjies moet in elke wingerd beoordeel word. Sommige produsente meen dat blommende dekgewasse blaaspootjies lok en toelaat om in die wingerd aan te teel. Pionierplante op versteurde grond aangrensend tot wingerde kan ook blaaspootjiebroeiplekke wees. Byvoorbeeld kan stroke kraalbos ( Aizoon africanum ) langs wingerde in sommige areas tot erger sitrus blaaspootjieskade bydra. Blaaspootjies hou ook van bloubossies ( Echium vul gare ) en klawers. Navorsing in pruime het egter aangedui dat blomme van witklawer ’n trekpleister vir blomblaaspootjies kan wees wat sodoende getal le in die bome verminder.

Erkenning Dankie aan die volgende deskundiges vir hulle bydra tot hierdie artikels: • Dr Elleunorah Allsopp. Senior navorser. LNR Infruitec-Nietvoorbij. • Dr Jeanne de Waal. Wes-Kaapse Besigheidsbestuurder. Laeveld Agrochem. • De Wet du Toit. Tegniese bemarkingspesialis. InteliGro. • Robert Wilsdorf. Tegniese bestuurder. Viking

BEYOND THE BUNCH • 7 • KWARTAAL 4 • 2024