BEMESTINGSRIGLYNE VIR DIE WYNBEDRYF

Sinkoksied, sinksulfaat en organiese Zn-chelate word as blaarvoeding bemark. Laasgenoemde is heeltemal oplosbaar in water en teoreties behoort dit meer effektief te wees. Sinkoksied kan as ’n 0.2%-oplossing gespuit word, maar Zn-sulfaat skroei maklik en word met ’n 0.3%-oplossing spuitkalk (gebluste kalk, Ca(OH) 2 ) gemeng en teen ’n konsentrasie van 0.4% gespuit. Doeltref fendheid van opname word verhoog deur die sinkbevattende middel met ureum (0.5%-oplossing) te meng. Indien swamdoders wat Zn bevat gebruik word, word normaalweg genoeg Zn voorsien om sluimerende tekorte te beheer, maar dit is nie voldoende om sigbare tekorte op te hef nie. Omdat Zn ’n rol by vrugset speel, behoort reeds voor blom met blaarvoeding begin te word waar tekorte voorkom. ’n Tweede toediening kan later in die seisoen tydens ertjiekorrel gemaak word. Oor die algemeen word Zn-tekorte moeilik met blaarbespuitings opgehef en is dit gevind meer doeltreffend te wees om kortsnit-snoeiwonde binne 3-4 uur na snoei met ’n sterk Zn-sulfaat-oplossing (10%) te verf voordat sterk sapvloei be gin. Bespuiting van gesnoeide stokke enkele weke voor bot met 4% Zn-sulfaat of 1% ZnO (saam met 1.3% kalkswawel), word ook aanbeveel.

FIGUUR 24: Oneweredige vergeling (links), vergelykbaar met simasienskade (middel), nekrotiese sones en dooie groeipunte (regs) weens Cu-gebrek.

5

66