SATI Riglyne vir die Voorbereiding van Tafeldruiwe in Suid-Afrika vir uitvoer 2025/2026

Aksies volgens fenologiese stadium

Dormansie Snoei: Halflangdraers (8 oë) met 8–12 oë per m 2 (80 000–120 000 oë per hektaar). Verbetering van bot: Snoei sodat draers min of meer ewe dik is (9–11 mm). Draers wat te dun of te dik is bot onegalig. Bot tot blom Suier: verwyder swak en dubbele lote. Mik vir 18 lote per meter. 30–40 cm lootlengte: Hou een tros per loot. Mik vir 20%–30% meer trosse as beplan. Verwyder slegs 2–3 blare rondom trosse. 100–120 cm lootlengte: Optimale lootlengte by blom. Blom tot set 50% blom: Dun uit met 1 dpm gibberelliensuur. Mik vir ’n goeie balans tussen groeikrag en drag om natuurlike uitdunning te bevorder. Vermy oormatige groeikrag. Verwyder blare rondom trosse vir meer effektiewe gibberelliensuur- en swamdodertoedienings. Volblom: Herhaal 1 dpm gibberelliensuur vir uitdunning indien nodig. Set tot deurslaan 6–8 mm korreldeursnit: Spuit 4–8 dpm gibberelliensuur vir vergroting. Ringelering by 8 mm korreldeursnit kan korrelgrootte verbeter maar sal kleurontwikkeling vertraag. Kort trosse in na 80–100 korrels per tros. Gebruik die boonste, minder kompakte, deel van trosse. Dun kompakte trosse uit. Laat een tros per loot met ’n minimum deursnit van 9–11 mm. Los 53 000 trosse per hektaar. Handhaaf gebalanseerde groeikrag. Deurslaan tot oes ± 10% kleur: Dien 40–60 ml etefon per 100 liter water toe om kleurontwikkeling te bevorder. Dit kan ’n donker kleur op swak stokke veroorsaak. Diffuse lig onder die prieel is nodig om korrels af te hard en smaak te verbeter maar die korrels moet nie direkte sonlig kry nie.

Verseker dat lote goed verhout (verbruin). Verwyder beskadigde korrels en trosse. Beheer witroes en bederf. Oes tot pak Moenie trosse van swak lote pak nie. Handhaaf die koue-ketting om kondensasie te voorkom.

SATI RIGLYNE VIR DIE VOORBEREIDING VAN TAFELDRUIWE IN SUID-AFRIKA VIR UITVOER 79